अस्ट्रेलियामा नेपाली विद्यार्थी ठगिए

१९ पुष २०६९, बिहीबार ०७:४७ मा प्रकाशित

रासस/ काठमाडौं, १९ पुस । सप्तरीको जग्गा बेचेर अस्ट्रेलिया पढ्न नेपाली विद्यार्थी रितेश देवकोटा त्यहाँको कलेजको त्रुटिका कारण शैक्षिक प्रमाणपत्रबिना बेखर्ची भएर स्वदेश फर्कनुपरेको छ। चार वर्षअघि डिप्लोमा इन हस्पिलाटी म्यानेजमेन्ट र कमर्सियल कुकेरी पढ्न अस्ट्रेलिया गएका देवकोटा पढाइमा उत्कृष्ट हुँदाहुँदै पनि त्यहाँको होम्स कलेजले चाहिने शु्ल्क रु १८ लाख लिएर रित्तो हात घर फर्किनुपरेको गुनासो शिक्षा पत्रकार समूहद्वारा आइतबार आयोजित छलफल कार्यक्रममा गरे।
‘मेरो लाखौं रुपैयाँ र दुई वर्षको समय मात्र खेर गएन कि सर्टिफिकेट नपाउँदा ठूलो मानसिक तनाव पनि खेप्नुपर्‍यो,’ उनले भने। पीडित विद्यार्थी रितेशले कलेजको गलत हर्कतका विरुद्ध अस्ट्रेलियाको एजुकेसन बोर्ड तथा त्यहाँका अन्य सरकारी निकायमा धाउँदा समेत न्याय पाउन सकेका छैनन् तर गत अगस्तमा त्यहाँका प्रधानमन्त्री जुलिया गिलार्ड भारत आएका बेला रितेशले दिएको निवेदनमाथि कारबाही गर्दै दिल्ली हाइ कमिसनले रितेशको नाममा नक्कली सर्टिफिकेट जारी नभएको स्वीकार गरेको र उनलाई सम्पर्कमा रहन भनेको छ।
पीडित रितेशका भिनाजु रोशन उप्रेतीले भएको जायजेथा बेचेर पढ्न पठाए पनि अस्ट्रेलियाली कलेजको गल्तीका कारण कुनै उपलब्धि नभएको भन्दै दुखेसो व्यक्त गरे। उनले भने, ‘सबै कागजात सक्कली भएको र नियमसङ्गत नै अस्ट्रेलियामा पढेको भए पनि उसलाई दिएको सर्टिफिकेट नक्कली रहेछ।’
नेपाल शैक्षिक परामर्श सङ्घ इक्यानका उपाध्यक्ष प्रकाश पाण्डेले रितेशलाई कोर्स परिवर्तनबारे जानकारी नगराएको हो भने कलेज दोषी रहेको हुन सक्ने बताउँदै रितेशले त्यहाँ कानुनी उपचार खोज्नुपर्ने सुझाव दिए।
शिक्षा मन्त्रालयका सहप्रवक्ता रोजनाथ पाण्डेले रितेशलाई विदेश पठाउने संस्था इन्टरफेसले यसमा सहयोग गर्नुपर्ने बताउनुभयो। उनले रितेशलाई मन्त्रालयमा निवेदन दिन आग्रह गर्दै मन्त्रालयले उनको समस्या समाधानका लागि प्रक्रिया अगाडि बढाइदिने आश्वासन दिए।

प्रतिक्रिया
सम्बन्धित खवर

काठमाडौं । नेपाली कांग्रेसको वरिष्ट नेता रामचन्द्र पौडेलले साझा उम्मेदवारको लागि आफू त्याग गर्न तयार रहेको बताएका छन् । आज

काठमाडौँ । नेपालमा हालसम्म ८७ लाख बढीले कोरोनाभाइरस विरुद्धको पूर्ण मात्रा खोप लगाएका छन् । स्वास्थ्य तथा जनसङ्ख्या मन्त्रालयका अनुसार

काठमाडौँ । ऐतिहासिक एवं पर्यटकीय नमोबुद्धलाई विश्व सम्पदा सूचीमा सूचीकृत गर्न पहल थालिएको छ । नमोबुद्ध ऐतिहासिक, पर्यटकीय एवं धार्मिक

नुवाकोट। राष्ट्रिय गौरवको योजनाका रुपमा रहेको गल्छी–त्रिशूली–मैलुङ–स्याफ्रुबेँसी–रसुवागढी सडकमा अझै जग्गाको समस्या समाधान हुनसकेको छैन । निर्माण सम्पन्न गर्ने समय आधा