मृत्यु बाटाभरि फुलिरहने हुन्छ -सरण राई

१२ चैत्र २०६८, आईतवार २२:१७ मा प्रकाशित

जीवनको
माधुर्य, तृप्ति र पुर्णता खोजि गर्दै
आशाको आकाशमा उड्दै
फुल झैं कहिले म मुस्कुराउँछु
पुर्ण स्वाद जीवनको लालशा बोक्दै
निराशाको पोखरीमा डुब्दै
फुल झैं कहिले म ओईलाउँछु , तर फेरी
अलौकिक उज्यालोको लागि
अनन्त शान्तिका लागि
दान्को झैं आफ्नै मुटु मसाल झैं बालेर हेर्दा
आफूभित्र एउटा भ्रान्तिको संसार देख्छु
भ्रमको रमझम परिणतिमा रमाईरहेको
भुलिरहेको म मेरो मानिस पाउँछु आफूभित्र
जब मृत्यु बोकेर हिडिरहेको म
मृत्यु टिप्न लालायित हातहरु पसारेर
घोप्तिन्छु मृत्यु टिप्न
तब मृत्यु मेरो कानमा साउती गरेर भन्छ
पथिक, नझुक मृत्यु टिप्न यात्रामा
नरोकिई बढीरह अगाडी जीवन पथमा
किनकी मृत्यु तिम्रालागी बाटाभरि सधैं फुलिरहने हुन्छ |

साभार
मधुपर्क बर्ष -२५, अङ्क -१, पूर्णाङ्क – २७६ (जेठ, २०४९)

प्रतिक्रिया
सम्बन्धित खवर

काठमाडौं । राष्ट्रपति विद्यादेवी भण्डारीले नेपाली वाङ्‍मय क्षेत्रका विभिन्न व्यक्तित्वलाई विभिन्न प्रज्ञा पुरस्कार प्रदान गर्नुभएको छ । नेपाल प्रज्ञा-प्रतिष्ठानद्वारा राष्ट्रपति

काठमाडौं । नेपाली साहित्यका आदिकवि भानुभक्त आचार्यको २०८औँ जन्मजयन्ती आज देश तथा विदेशका विभिन्न स्थानमा समेत विविध कार्यक्रमको आयोजना गरी

काठमाडौं । साहित्यकार डा वानीरा गिरिको गए राति कोरोना सङ्क्रमणले निधन भएको छ । काठमाडौँ बानेश्वरस्थित निजामती अस्पताल पु¥याइएको आधा

काठमाडौं । संयुक्त राज्य अमेरिकामा बसेर साहित्य लेखनमा सक्रिय नेपाली स्रष्टा सुकृति शर्माले नयाँ कथासंग्रह ‘सत्र पुष्प पत्रहरु’बाट ५ हजार