भारतसँगको अन्तिम टेस्टमा इङ्ल्याण्डको उत्कृष्ट प्रदर्शन

२१ असार २०७९, मंगलवार ०७:०६ मा प्रकाशित

काठमाडौँ । भारतसँगको पाँचौँं तथा अन्तिम टेस्ट खेलमा घरेलु टोली इङ्ल्याण्डले उत्कृष्ट प्रदर्शन गरेको छ ।
चौथो दिनको समाप्तिमा ३७८ रनको लक्ष्य पछ्याएको इङ्ल्याण्डले ५७ ओभरमा ३ विकेट गुमाउँदै २५९ रन बनाएको छ ।

 

इङ्ल्याण्डका जोय रुट ७६ रन र जोनी बेयरस्टो ७२ रनमा अविजित रहे । चौथो विकेटका लागि रुट र बेयरस्टोले १५० रनको अविजित साझेदारी गरेपछि इङ्ल्याण्ड जित उन्मुख रहेको छ । अन्तिम दिन इङ्ल्यान्डलाई जितको लागि ११९ रन आवश्यक पर्दा ७ विकेट छ ।

इङ्ल्याण्डका ज्याक क्रली र एलेक्स लिसले १०७ रनको शतकीय पारी खेले । पहिलो पारीमा १३२ रनको अग्रता बनाएको भारतले दोस्रो पारीमा २४५ रन बनाएपछि समग्रमा इङ्ल्याण्डले ३७८ रनको लक्ष्य पाएको हो । इङ्ल्याण्ड विजयी भएमा पाँच टेस्ट खेलको श्रृङ्खला २-२ को बराबरीमा सकिने छ ।

पराजित भएमा इङ्ल्याण्डले ३-२ ले श्रृङ्खला गुमाउनेछ । त्यस्तै बराबरी हुँदा इङ्ल्याण्डले २-१ ले गुमाउनेछ । गएको वर्ष पाँच खेलको टेस्ट श्रृङ्खला अन्तर्गत ४ वटा टेस्ट सकिएपछि खेलाडीमा कोरोना सङ्क्रमण पुष्टि हुँदा पाँचौँ टेस्ट रोकिएको थियो । गएको वर्षकै श्रृङ्खला अन्तर्गत भारत र इङ्ल्याण्डले अहिले पाँचौँ टेस्ट खेलेका हुन् । चार खेलमध्ये २ वटा भारतले र एउटा इङ्ल्याण्डले जितेका छन् । एउटा खेल बराबरीमा सकिएको थियो ।

प्रतिक्रिया
सम्बन्धित खवर

काठमाडौं । नर्दन आयरल्यान्डविरुद्ध सहज जितसँगै नर्वेले यूइएफए महिला युरो च्याम्पियनसिपमा विजयी सुरुवात गरेको छ । बिहीबार राति साउथह्याम्पटनमा भएको

काठमाडौँ । क्रिस्टियानो रोनाल्डोलाई यसै खेलाडी ट्रान्सफरमा बेच्न म्यानचेस्टर युनाइटेड तयार भएसँगै उनी कुन क्लबमा जान्छन् भन्ने कौतुहलता बढेको छ

काठमाडौं । भारतले पहिलो टी-२० अन्तर्राष्ट्रिय खेलमा बिहीबार राति घरेलु टोली इंग्ल्यान्डलाई ५० रनले पराजित गरेको छ । जितसँगै तीन

काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेले जमैका तल्लावाजबाट क्यारेबियन प्रिमियर लिग (सिपिएल) खेल्ने भएका छन् । आगामी