सोमबार सम्ममा निकास निस्कनेमा दाहाल आशावादी

१ पुष २०६९, आईतवार १२:०८ मा प्रकाशित

काठमाडौ, १ पुस । एकीकृत नेकपा माओवादीका अध्यक्ष पुष्पकमल दाहालले दलहरूबीच सोमबार सम्म राजनीतिक सहमति हुने आसा ब्यक्त गरेका छन् ।
राष्ट्रपति डा रामवरण यादवसँग आज बिहान राष्ट्रपति भवन शीतल निवासमा भएको छलफलपछि अध्यक्ष दाहालले यस्तो बताएका हुन । उनले भने, अब देश राजनीतिक सहमतितिर गयो, भोलि बेलुकासम्म टुङ्गोमा पुगिनेछ ।
राष्ट्र«पति डा यादवले सहमतिको सरकारका लागि पछिल्लो पटक दिनुभएको समयसीमा सकिनु अघिल्लो दिन अध्यक्ष दाहाल र राष्ट्रपतिबीच कुराकानी भएको हो । भेटमा अध्यक्ष दाहालले नेपाली काँग्रेस, नेकपा एमाले, संयुक्त लोकतान्त्रिक मधेसी मोर्चा र अन्य दलहरूसँग भएको छलफलबारे राष्ट्रपति डा यादवलाई जानकारी गराएका थिए । यसअघि आजै बिहान राष्ट्रपति डा यादव र संयुक्त लोकतान्त्रिक मधेसी मोर्चाका संयोजक विजयकुमार गच्छदारबीच राजनीतिक सहमतिका बारे छलफल भएको थियो ।
यसैबीच राष्ट्र«पति डा रामवरण यादवसँग संयुक्त मधेसी मोर्चाका संयोजक एवम् उपप्रधानमन्त्री विजयकुमार गच्छदारले आज बिहान राष्ट्रपति भवन शीतल निवासमा वर्तमान राजनीति गतिरोधको निकासबारे भेटवार्ता गरेका छन् ।
सो अवसरमा राष्ट्रपतिले मधेसी मोर्चाको तर्फबाट राष्ट्रिय सहमतिको सरकार निर्माणमा सहयोग गर्न आफूलाई आग्रह गर्नुभएको भेटपछि संयोजक गच्छदारले राससलाई जानकारी गराएका छन् । उहाँले एक घन्टा लामो भेटमा मोर्चाको तर्फबाट आफूले सहमति निर्माणका लागि सहज वातावरण बनाउन सक्दो पहल गर्ने आश्वासन दिएको र निर्वाचनलगायत सबै विषयमा प्याकेजमा सहमति खोजिनुपर्ने धारणा राखेको जानकारी गराए ।

प्रतिक्रिया
सम्बन्धित खवर

काठमाडौं । नेपाली कांग्रेसको महाधिवेशनमा नेतृत्व चयनका लागि हुने निर्वाचनमा मतपत्र नै २९ वटा हुने बताइएको छ। कांग्रेस महाधिवेशनका प्रचार

काठमाडौँ । प्रधानमन्त्री शेरबहादुर देउवालाई आफ्नो समूहबाट पदाधिकारीमा व्यवस्थापन गर्न सकस परेको छ । संस्थापन पक्षमा उपसभापतिका लागि विजयकुमार गच्छदार र

काठमाडौं । एमाले महाधिवेशनबाट केपी शर्मा ओलीलाई सर्वसम्मति अध्यक्ष घोषणा गर्न नदिएका पात्र हुन, डा. भीम रावल । रावलले एमालेको

काठमाडौं । राप्रपाको महामन्त्रीमा कुन्ती शाही र रेखा थापा आमनेसामने हुने भएका छन्। काठमाडौंको भृकुटीमण्डपमा राप्रपाको एकता महाधिवेशन जारी छ।

आजको प्रमुख समाचार