मन्त्री हेरफेरको निर्णय बाबुराम पक्षद्वारा अस्वीकार

२० असार २०७९, सोमबार १३:१२ मा प्रकाशित

काठमाडौं । जनता समाजवादी पार्टी नेपालमा डा.बाबुराम भट्टराई पक्षले पार्टीबाट भएको मन्त्री हेरफेरको निर्णयलाई अस्वीकार गर्ने भएको छ । जसपाका अध्यक्ष उपेन्द्र यादवले ‘एकलौटी निर्णय गरेको’भन्दै भट्टराई पक्षले त्यसलाई कार्यान्वयनमा नल्याउन दबाब दिन आजै प्रधानमन्त्री शेरबहादुर देउवालाई भेट्ने भएको छ ।

जसपाका कार्यकारिणी सदस्य गङ्गा श्रेष्ठले भने, ‘जसपाका अध्यक्ष उपेन्द्र यादवले एकलौटी निर्णयबाट मन्त्री हेरफेर गर्नुभएको छ, जुन हामीलाई स्वीकार्य छैन ।’ पार्टीमा आन्तरिक विवाद चलिरहेको अवस्थामा कसैसँग सल्लाह नगरी एकलौटी रूपमा तीन जना मन्त्रीलाई फिर्ता बोलाएर नयाँ तीन जना मन्त्री पठाउने निर्णय गलत रहेको भन्दै उनले यसलाई सच्याउनुपर्ने बताए ।

अध्यक्ष यादवले गरेको एकलौटी निर्णय कार्यान्वयन नगर्न आजै आफूहरूले प्रधानमन्त्री शेरबहादुर देउवालाई भेट्ने उनले जानकारी दिए । अध्यक्ष यादवले गरेको निर्णय सर्वसम्मत होइन, विवादित निर्णय हो, त्यसलाई कुनै पनि हालतमा लागु गर्नुहुँदैन भनेर प्रधानमन्त्री देउवालाई भेटेर भन्ने उनले बताए ।

यसअघि पनि जसपाका संघीय परिषद्का अध्यक्ष डा. बाबुराम भट्टराईले प्रधानमन्त्री देउवालाई भेटेर जसपाका अध्यक्ष उपेन्द्र यादवबाट आउने कुनै पनि एकपक्षीय निर्णय कार्यान्वयनमा नल्याउन आग्रह गरिसकेका थिए ।

असार २७-२८ गते वीरगञ्जमा बस्ने केन्द्रीय समितिको बैठकमा जाने कि नजाने भन्ने विषयमा पनि आफूहरूको बीचमा छलफल भइरहेको श्रेष्ठले बताए ।

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

महेन्द्रनगर । पछिल्लो समय सुदूरपश्चिममा कोरोना भाइरसको सङ्क्रमण बढ्दै गए पनि त्यसको नियन्त्रणका लागि सतर्कता भने अपनाइएको छैन । भारतका

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को