दक्षिण कोरियाबाट उडेर आएका ‘अज्ञात वस्तु’ बाट कोरोना सरेको प्योङयाङको दाबी

१८ असार २०७९, शनिबार १३:०० मा प्रकाशित

प्योङयाङ । उत्तर कोरियाली जनताले दक्षिण कोरियाली सिमाना नजिक खसेका ‘अज्ञात वस्तुहरू’ छोएपछि कोभिड १९ महामारी सुरु भएको प्योङयाङका सरकारी सञ्चार माध्यमले शुक्रबार दाबी गरेका छन् ।

उत्तर कोरियाली जनतालाई दक्षिण कोरियाबाट सीमावारी उडेर आएका वस्तुहरूप्रति होशियारपूर्वक निगरानी राख्न आग्रह गरिएको थियो । वर्षौदेखि दक्षिण कोरियामा रहेका अभियन्ताहरूले उत्तरतर्फ पर्चाहरू, र मानवीय एवं उद्धार सामाग्रीहरू बेलुनसँग उडाएर पठाउने गरेका छन् ।

उत्तरको भनाइ खण्डन गर्दै दक्षिण कोरियाले कोभिड १९ त्यसरी सर्न सक्ने संभावना नरहेको जनाएको छ । उत्तर कोरियाको सरकारी सञ्चार माध्यमका अनुसार एक औपचारिक अनुसन्धानबाट दक्षिण कोरियाको सीमाना नजिक भेटिएका अज्ञात वस्तुहरूको सम्पर्कमा आएका दुई जना व्यक्तिमा सुरुमा कोभिड १९ संक्रमण भएको हो ।

यसरी इफो-री को एउटा पहाडमा त्यस्ता वस्तु छोएपछि अप्रिलको सुरुमा एक जना १८ वर्षीय सैनिक र ५ वर्षीय बालकलाई भाइरस संक्रमण भएको थियो । तत्कालै यस्ता संदिग्ध अज्ञात वस्तुलाई महामारीविरुद्धको आपत्कालीन टोलीबाट हटाउन लगाउन यस्ता वस्तु देख्नासाथ तुरुन्तै सम्बन्धित निकायलाई खबर गर्न सबैलाई अनुरोध गरिएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

बग्दाद, एएफपी । इराकको राजधानी बग्दादमा आन्दोलनरत धर्मगुरु मुक्तदा अल–सदरका समर्थकहरूले उच्च सुरक्षा घेरा तोडेर संसद् भवन प्रवेश गरेका छन्

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे