युक्रेनको पोल्तावा सहरस्थित औद्योगिक क्षेत्रमा रुसको आक्रमण, १८ जनाको मृत्यु

१५ असार २०७९, बुधबार ०९:०६ मा प्रकाशित

किभ । रुसले गरेको क्षेप्यास्त्र आक्रमणमा परी युक्रेनको पोल्तावा सहरस्थित औद्योगिक क्षेत्रमा कम्तीमा १८ जनाको मृत्यु भएको छ । क्रेमेन्चुक औद्योगिक क्षेत्रमा सोमबार रुसले ख-२२ (रसियन : एक्स-२२) नामक क्षेप्यास्त्र प्रहार गरेको थियो । आक्रमणमा परेका अरु ३६ जना अझै सम्पर्कविहीन रहेका छन् । उनीहरूको खोजी भइरहेको छ ।

 

‘घटनामा परी घाइते भएकामध्ये २५ जनालाई सघन उपचार कक्षमा राखेर उपचार गराइएको छ’, एक सरकारी अधिकारीले भने । स्थानीय अधिकारीले आक्रमणका कारण ठूलो मात्रामा भौतिक संरचनामा समेत क्षति पुगेको जानकारी दिएका छन् ।
आक्रमण भएका बेला झण्डै एक हजार मानिस घटनास्थलमा रहेका थिए । घटनामा परी हताहती भएकाहरूको यकिन भइसकेको छैन । जर्मनीमा जी-७ शिखर सम्मेलन चलिरहेको र त्यसको मुख्य एजेण्डा युक्रेनमाथि भएको आक्रमणलाई बनाइरहेका बेला रुसले अर्को निर्मम आक्रमण गरेको हो ।

गत फेब्रअरी २४ देखि सुरु भएको आक्रमण अहिलेसम्म पनि जारी छ । रुस-युक्रेन युद्ध अन्त्यका लागि सुरुमा दुई पक्षीय वार्ता भए पनि अहिले वार्ता पनि रोकिएको छ । बाह्य तथा अन्तर्राष्ट्रिय दबाब भइरहे पनि रुस र युक्रेन दुवै आ-आफ्नो अडानमा रहेकाले युद्ध तत्काल रोकिने कुनै सङ्केत देखिएको छैन ।

निरन्तरको युद्धका कारण युद्धमा प्रत्यक्ष संलग्न दुवै देशसँगै विश्वलाई नै धेरै क्षति भएको छ । मानवीय, राजनीतिक र आर्थिक असर बढी देखिएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

बग्दाद, एएफपी । इराकको राजधानी बग्दादमा आन्दोलनरत धर्मगुरु मुक्तदा अल–सदरका समर्थकहरूले उच्च सुरक्षा घेरा तोडेर संसद् भवन प्रवेश गरेका छन्

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे