चार सलाई प्राथमिकता दिएर सरकारले काम गरेको प्रधानमन्त्रीको दावी

१२ चैत्र २०६८, आईतवार १२:०५ मा प्रकाशित

प्रधानमन्त्री डा बाबुराम भट्टराईले आफू नेतृत्वको सरकारले शान्ति, संविधान, समृद्धि र सुशासन गरी चार स लाई प्राथमिकताका साथ अगाडि बढाएको दावी गरेका छन् । उनले सरकारले प्राथमिकता  दिएको चार सले  सरकार गठन सँगै गति लिएको दावी समेत गरेका छन् ।
राज्यब्यवस्था समितिको बैठकमा लिखित बक्तब्य प्रस्तुत गर्दै प्रधानमन्त्रीले यसै हप्ता भित्र लडाकुको समायोजनको प्रक्रिया सुरु हुने जानकारी दिए । संविधान निर्माणका विवादित विषयमा सकारात्मक ढंगले छलफल अघि बढेकोले निर्धारित समयमै काम सम्पन्न हुने विश्वास समेत ब्यक्त गरेका छन् ।
प्रधानमन्त्रीले कर्मचारी सरुवा नियमित भएको दावी गर्दै कर्मचारीमा राजनीति जोडिएकोले सरुवा प्रकरण विवादित बनेको गुनासो गरे । सुगम र दुर्गममा बस्ने कर्मचारीबीच द्वन्द्व बढेको उल्लेख गर्दै आगामी दिनमा कर्मचारी सरुवाको मापदण्ड बनाइने जानकारी दिए । उनले  पछिल्लो पटक भएको सरुवा विवादबारे अनुसन्धान जारी रहेको समेत बैठकमा जानकारी दिएका थिए । प्रधानमन्त्रीलेअनुशासनहीन कार्य गर्ने जो कसैलाई विधि र प्रक्रिया बमोजिम कडा कारवाही गरिने भन्दै देशमा अनुशासनको प्रत्याभुति गराउने दृढता ब्यक्त गरे ।
संबैधानिक अंगहरुमा पदाधिकारी नियूक्तीका सम्बन्धमा कार्ययोजना सहितको निवेदन प्राप्त भएको र त्यसलाई संबैधानिक परिषदको सचिवालयले अभिलेखिकरण गर्ने काम गरिरहेको भन्दै चाडै परिषदको बैठक बसेर नियूक्ती गरिने बताए ।
नेपाली सेनाको लोकतान्त्रिकीकरण सम्बन्धी प्रतिवेदनब परिमार्जन गर्ने काम भईरहेको भन्दै राष्ट्रिय सुरक्षा नीति मन्त्री परिषदमा विचाराधिन रहेको जानकारी प्रधानमन्त्रीले दिए ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार