रोहितले छाडे पर्सिजा, भन्छन्- असल मान्छे बनायो

९ जेष्ठ २०७९, सोमबार ०६:२२ मा प्रकाशित

काठमाडौं । नेपाल राष्ट्रिय फुटबल टोलीका सदस्य रोहित चन्दले इन्डोनेसियाको शीर्ष डिभिजन क्लब पर्सिजा छोडेका छन् । पर्सिजाले एक भिडियो सन्देश सार्वजनिक गर्दै बिदाई गरेको जनाएको छ । उसले रोहितलाई हिमालय टाइगरको संज्ञा दिएको छ ।

रोहितले इन्डोनेसियाको यात्रा निकै उत्कृष्ट रहेको बताएका छन् ।

‘युवा अवस्थामै जकार्तासँग जोडिँदा क्लबले मलाई राम्रो खेलाडीमात्र नभई एक असल मानिस पनि बनायो । मेरो करियरका सफलता र असफलता दुवै क्षणमा क्लबले ममाथि पूर्ण विश्वास र साथ दियो । जाकर्ताबाट खेल्नु मेरो लागि निकै सम्मानको कुरा हो र क्लबको उपाधि यात्रामा सहयोग पुर्‍याउन पाउनु असाधारण अनुभव थियो,’ रोहितले भनेका छन् ।

सन् २०१७ मा दोस्रो पटक जाकर्तासँग जोडिएका रोहितले १९ खेल खेल्दा १० गोल र आठ असिस्ट गरेका छन् । यस अवधिमा रोहितले जाकार्ताबाट एक घरेलु लिगसहित तीन उपाधि जिते । र, सन् २०१८ मा उनी लिगको उत्कृष्ट खेलाडी घोषित भएका थिए ।

रोहितले सन् २०१३ देखि २०१५ सम्म पहिलो पटक जाकार्ताबाट खेलेका थिए । रोहितले जाकfर्ता बसाईमा सन् २०१८ निकै सफल रहेको र उपाधिसमेत हात पारेको बताए ।

‘सन् २०१८ म सधैँ कृतज्ञ रहने वर्षको रुपमा रह्यो । जब हामीले लिग उपाधि जितेका थियौं र म लिगको उत्कृष्ट खेलाडी चुनिएको थिए । यो हामी सबैको संयुक्त प्रयासको नजिता थियो र विशेष गरी जाकमानिया (समर्थक) हरूको, जो विश्वकै उत्कृष्ट समर्थक हुन् ।’

‘व्यवस्थापक, क्लब, प्रशिक्षक, टिमका सहकर्मी, खेल अफिसियलहरु र समर्थकबाट पाएको साथ सधैँ मेरो ह्रदयमा रहिरहनेछ । भारी ह्रदयसाथ, मलाई लाग्छ अब क्लबलाई ‘गूडबाई’ भन्ने समय आएको छ । पर्सिजामा मेरो सम्पूर्ण अवधिमा, मैले गर्व र सम्मानसाथ क्लबको प्रतिष्ठालाई बोकेको छु । पर्सिजाको लागि खेल्नु मेरो लागि सम्मानको कुरा थियो र आशा छ हामी कुनै दिन फेरी सँगै यात्रा गर्नेछौं,’ हाल राष्ट्रिय टोली बाहिर रहेका रोहितले भनेका छन् ।

पर्सिजाको बसाइ सकाएसँगै हाल रोहित नेपालमै छन् । उनी इन्डोनेसियाको लिग वान नै खेल्ने तयारीमा छन् ।

प्रतिक्रिया
सम्बन्धित खवर

काठमाडौँ । क्यानाडा भ्रमणमा रहेको नेपालले टि२० अभ्यास खेलमा ओन्टारियो क्रिकेट क्लबमाथि शानदार जित हात पारेको छ । आइतबार राति ओन्टारियोलाई

काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेले शुक्रबार बेलुका गरेको एक ट्विटले सामाजिक सञ्जाल तताएको छ । सन्दीपले

काठमाडौं । अष्ट्रेलियाका थानासी कोक्किनाकिसलाई हराउँदै साविक विजेता नोभाक जोकोभिचले विम्बल्डन टेनिसको तेस्रो चरणमा प्रवेश गरेका छन् । बुधबार राति

काठमाडौँ । नेपाली राष्ट्रिय क्रिकेट टोली आउँदो सेप्टेम्बरमा अस्ट्रेलिया भ्रमणमा जाने भएको छ । नेपाल क्रिकेट सङ्घ (क्यान) र रोयल

आजको प्रमुख समाचार