नेपालले युगाण्डाविरुद्ध पहिलो जित निकाल्यो

६ जेष्ठ २०७९, शुक्रबार १७:३४ मा प्रकाशित

काठमाडौं । चौंथो महिला टि–ट्वान्टी अन्तराष्ट्रियमा युगाण्डाविरुद्ध नेपालले पहिलो जित निकालेको छ ।

पाँच खेलको सिरिजअन्तर्गत सुरुवाती तीन खेल गुमाएर पाहुना टोली युगाण्डालाई उपाधि सुम्पिएको नेपालले आज चौथो खेलमा सान्त्वना जित निकालेको हो ।

नेपालले दिएको ९८ रनको सामान्य लक्ष्य युगाण्डाले पूरा गर्न सकेन । उसले निर्धारित १८ ओभर खेल्दै आठ विकेट गुमाएर ८२ रनमात्र बनाउन सक्यो ।

खेलकाे प्लेयर अफ दि म्याच भएकी हिरनमाई रोयले २ तथा कविता कुँवर, अस्मिना कर्माचार्य र कप्तान रुविना क्षेत्रीले समान १ विकेट लिएपछि नेपालको जित सुनिश्चित भएको हो ।

काठमाडौंको त्रिवि क्रिकेट मैदानमा टस जितेर ब्याटिङ गरेको नेपालले १७.५ ओभरमा सबै विकेट गुमाएर ९७ रन बनाएको थियो ।
नेपालका लागि ज्योति पाण्डेले सर्वाधिक १७ रन बनाइन् ।

यस्तै, विन्दू रावलले १६, सीता राना मगरले ११, कविता कुँवर, डोली भट्ट र अश्मिना कर्माचार्यले ६–६, अस्परी बेगम ४ तथा कप्तान रुबिना क्षेत्री तथा इन्दु वर्माले समान १-१ रनमा बनाए । कविता अविजित रहिन् ।

पानी परेर मैदान ओसिलो भएकाले खेल ढिलागरी सुरु भएको थियो । त्यसमा पनि खेल १८ ओभरमा घटाइएको थियो ।

प्रतिक्रिया
सम्बन्धित खवर

काठमाडौं । अष्ट्रेलियाका थानासी कोक्किनाकिसलाई हराउँदै साविक विजेता नोभाक जोकोभिचले विम्बल्डन टेनिसको तेस्रो चरणमा प्रवेश गरेका छन् । बुधबार राति

काठमाडौँ । नेपाली राष्ट्रिय क्रिकेट टोली आउँदो सेप्टेम्बरमा अस्ट्रेलिया भ्रमणमा जाने भएको छ । नेपाल क्रिकेट सङ्घ (क्यान) र रोयल

काठमाडौँ । इटालियन क्लब इन्टर मिलानले बेल्जियमका फरवार्ड रोमेलु लुकाकुलाई लोनमा अनुबन्ध गरेको छ । लुकाकु एक सिजनपछि लोनमा इन्टर

बागलुङ । अब शायदै भलिबल कोर्टमा देखिने छन्, राजु विक । देशका लागि प्रतियोगिता खेल्न नपाए पनि भलिबलप्रेमीले भने उनलाई

आजको प्रमुख समाचार