यमनको हुथी लडाकू समूह युद्धविराम विस्तार गर्न लचक

६ जेष्ठ २०७९, शुक्रबार ०८:१२ मा प्रकाशित

काठमाडौं । यमनको हुथी लडाकू समूहले संयुक्त राष्ट्रसंघका प्रतिनिधिले यमनी सरकारसँग चलिरहेको दुई महिने युद्ध विरामलाई विस्तार गर्ने अनुरोधमाथि विचार गरिरहेको बताएको छ । हुथीद्वारा सञ्चालित अल-मसिरा टिभीले बिहीबार उक्त जानकारी गराएको हो ।

 

सर्वोच्च राजनैतिक परिषद्ले अब जून २ मा म्याद समाप्त हुने गरी यस सम्झौतालाई विस्तार गर्ने अनुरोधमा विचार गरिरहेको छ । अप्रिल २ देखि अन्तर्राष्ट्रिय स्तरबाट मान्यता प्राप्त यमनी सरकार र हुथी समूहले संयुक्त राष्ट्रसंघको पहलमा भएको दुई महिने युद्धविरामको पालना गरिरहेका छन् ।

यसमा हुथीले सञ्चालन गरेको साना विमानस्थलबाट हप्तामा दुई व्यावसायिक उडान गर्न दिनु, होडैडाको हुथी नियन्त्रित बन्दरगाहमा १८ इन्धन जहाज प्रवेश गर्न पाउनु र सरकारले सञ्चालन गरेको ताइज शहरको घेराबन्दीलाई हटाउनु पनि आवश्यक छ । हालसम्म हुथी र यमनी सरकारबीच छिटपुट झडप भए पनि धेरै हदसम्म युद्धविराम कायमै रहेको छ ।

इन्धन बोक्ने कुल १२ जहाजलाई यमन सरकारले होडैडा बन्दरगाहमा शुरुवात देखि नै अनुमति दिएको छ । यसबाहेक सानास्थित यमनी अन्तर्राष्ट्रिय विमानस्थल धेरै अवरोधहरूपछि यस हप्ता छ वर्षमा पहिलो पटक व्यावसायिक उडानको लागि खोलिएको छ ।

युद्धरत पक्षले ताइजको घेराबन्दी तोड्ने विषयमा अझै सहमति जुट्न सकेको छैन । यस युद्धले यमनमा भएको युद्धको अन्त्य गर्न वर्षौंको पहिलो उपलब्धिलाई अघि ल्याएको छ । यमनी द्वन्द्वले हजारौं मानिसहरूको ज्यान लिनुका साथै देशका अधिकांश भागलाई भोकमरीको सँघारसम्म धकेलेको छ ।

प्रतिक्रिया
सम्बन्धित खवर

काठमाडौँ । सरकारले कूटनीतिक पत्र आदानप्रदान गर्दा परराष्ट्र मन्त्रालयबाट अनिवार्य गर्ने निर्णय गरेसँगै मन्त्रालयहरुले मातहतका निकायलाई त्यसबारे निर्देशन दिएका छन्

काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले एसपीपीमा सहभागी हुन नेपाली सेनाले लेखेको पत्र मर्यादा बाहिरको

काठमाडौं।प्रमुख प्रतिपक्षी दल एमाले अध्यक्ष केपी ओलीले सरकारले आगामी आर्थिक वर्षका लागि ल्याएको बजेट निश्चित घराना र व्यापारीलाई फाइदा पुर्‍याएर

काठमाडौं।प्रमुख प्रतिपक्षी दल एमाले अध्यक्ष पुष्पकमल दाहाल प्रचण्डले अमेरिकी स्टेट पार्टनरसीप प्रोग्राम (एसपीपी)मा नेपालको संलग्नताबारे सत्यतथ्य बाहिर ल्याउन आग्रह गरेका