भारतीय वायुसेनाको विमान गौतमबुद्ध विमानस्थलमा

२८ बैशाख २०७९, बुधबार १४:५५ मा प्रकाशित

भारतीय सेनाको विशेष विमान बुधबार गौतमबुद्ध अन्तर्राष्ट्रिय विमानस्थलमा अवतरण भएको छ । भारतीय प्रधानमन्त्री नरेन्द्र मोदी बुद्ध जयन्तीमा जेठ २ गते लुम्बिनी आउने भएपछि सुरक्षा व्यवस्था मिलाउन भारतीय सैनिक अधिकारीहरु लिएर विशेष विमान गौतमबुद्ध विमानस्थलमा ओर्लिएको हो ।

बुधबार बिहान १० बजेतिर विमानस्थलमा अवतरण गरेका भारतीय सैनिक अधिकारीहरुलाई विमानस्थलका कर्मचारीहरुले स्वागत गरेका थिए । टोलीमा ३० जना भारतीय सैनिक अधिकारीहरु रहेका छन् । उनीहरु जेठ ३ गतेसम्म लुम्बिनीमै बस्नेछन् ।

भारतीय वायुसेनाको इलुसियन विमान आइसी–७६ दिल्लीबाट काठमाडौं हुँदै गौतमबुद्ध विमानस्थलमा आएको गौतमबुद्ध अन्तर्राष्ट्रिय विमानस्थलका प्रवक्ता श्यामकिशोर साहले जानकारी दिनुभयो । उहाँका अनुसार गौतमबुद्ध अन्तर्राष्ट्रिय विमानस्थलमा अवतरण गर्ने यो नै पहिलो अन्तर्राष्ट्रिय विमान हो । यो विमानस्थल जेठ २ गते नै औपचारिक उद्घाटन हुँदैछ ।

भारतीय विमान आएसँगै यस क्षेत्रका नागरिकमा उत्साह छाएको छ । लुम्बिनी विकास कोषका योजना प्रमुख सरोज भटराईले भारतीय प्रधानमन्त्री मोदी आउने भएपछि तयारीका लागि अति विशिष्ट पाहुनाहरुले प्रयोग गर्ने सवारी साधन र बन्दोबस्तीका सामग्री लिएर चार दिन पहिले नै सैनिक अधिकारीहरुको टोली लुम्बिनी आइपुगेको जानकारी दिनुभयो ।

प्रतिक्रिया
सम्बन्धित खवर

काठमाडौं । प्रतिबन्धमा परेका अखिल नेपाल फुटबल संघ (एन्फा) का पूर्वअध्यक्ष गणेश थापालाई विश्व फुटबलको सर्वोच्च निकाय फिफाले फुटबलसम्बन्धी कुनै

काठमाडौँ । गोरखाको पालुङटार नगरपालिकाको प्रमुखमा नेकपा माओवादी केन्द्रका विवस चिन्तन निर्वाचित भएका छन् । सार्वजनिक अन्तिम मत परिणामअनुसार माओवादीका

काठमाडौं । आइसीसी विश्वकप क्रिकेट लिग २ अन्तर्गत अमेरिका भ्रमणको एकदिवसीय शृंखलाका लागि नेपाली राष्ट्रिय क्रिकेट टोलीको घोषणा भएको छ

काठमाडौँ । बाराको जितपुर-सिमरा उपमहानगरपालिकाको प्रमुखमा नेकपा माओवादी केन्द्र विजयी भएको छ । सार्वजनिक अन्तिम मतपरिणामअनुसार गठबन्धनको तर्फबाट माओवादी केन्द्रका