अध्यक्षले बोलाएको अनाधिकृत बैठकमा नजाने माओवादी नेता चन्दको चेतावनी

११ चैत्र २०६८, शनिबार १८:४२ मा प्रकाशित

काठमाडौ, ११ चैत ।एकीकृत नेकपा माओवादी स्थायी समिति सदस्य नेत्रविक्रम चन्द विप्लवले अध्यक्ष प्रचण्डले बोलाएको बैठक अनाधिकृत भएकोले आफ्नो समूह बैठकमा सहभागी नहुने स्पष्ट पारेका छन् ।
रिपोर्टर्स क्लब नेपाल लुम्बिनी अन्चल शाखाले शानिवार बुटवलमा आयोजना गरेको साक्षात्कारमा बोल्दै चन्दले कम्यूनिष्ट पार्टीको परम्परा अनुसार महासचिवले बैठक बोलाउनु पर्नेमा महासचिवलाई थाहै नदिई बोलाईएको बैठक अनौपचारिक र अनाधिकृत भएकोले त्यस्तो बैठकमा सहभागी हुनुको औचित्य नभएको दावी गरे ।
उनले अध्यक्ष प्रचण्डले भने जस्तो पार्टी अहिले न फुटेको न जुटेको अवस्थामा रहेको भन्दै अघिल्लो केन्द्रीय समितिको बैठकको निर्णय कार्यान्वयन मात्रै विभाजनको मिलन विन्दु भएको बताए । उनले प्रधानमन्त्री डा बाबुराम भटटराई नेतृत्वको सरकारले राष्ट्रको नेतृत्व गर्न नसकेको र राष्ट्रघाती काम गरेको भन्दै प्रधानमन्त्रीले सकेसम्म राजिनामा दिनु पर्ने तर्क गरे ।
उनले भने–केन्द्रीय कमिटिको बैठकमा प्रधानमन्त्रीको राजिनामाको कुरा भएको थियो । प्रधानमन्त्रीले राजिनामा नदिएसम्म मिलन विन्दु निस्कदैन ।
नेता चन्दले शान्तिको नाममा जनमुक्ती सेनालाई अपमानजनक रुपमा समायोजन गर्न लागिएको दावी गर्दै अपमानजनक रुपमा हुने समायोजनमा आफूहरुको समर्थन नरहेको बताए ।
जनसंविधान निर्माण, संघीय गणतन्त्रतको सुनिनिश्चतताकोलागी आफूहरुको आन्दोलन भएको भन्दै क्रान्ति सम्पन्न नभएसम्म आफूहरुको आन्दोलन जारी रहेको बताए । आफूहरुले निर्माण गरेको मोर्चा तीन दलको मोर्चाबाट निकास निष्कसन नसकेकोले बैकल्पिक शक्तिको रुपमा स्थापना गरेको भन्दै राष्ट्रघात गर्ने सरकारले नटेरे अब आन्दोलनबाटै जनताले घेराबन्दीमा पार्ने चेतावनी दिए ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार