चुनावको बेला देश इन्टरनेटविहीन हुन सक्ने चेतावनी

१८ बैशाख २०७९, आईतवार १२:३८ मा प्रकाशित

काठमाडौँ । इन्टरनेट सेवा प्रदायक संघ नेपाल (आईस्पान) ले चुनावको वेला इन्टरनेट सेवा बन्द हुन सक्ने चेतावनी दिएको छ । आईस्पानले शनिबार प्रेस विज्ञप्ति जारी गरी सरकारका कारण अर्को सातादेखि इन्टरनेट सेवा बन्द हुने स्थिति आएको चेतावनी दिएको हाे ।

टाटा, एअरटेल र सिफीलाई ब्यान्डविथ खरीद बापतको भुक्तानीका लागि सरकारले विदेशी मुद्रा सिफारिश नगरेकाले बन्द हुने अवस्था आएको विज्ञप्तिमा उल्लेख छ । आईस्पानले भनेको छ, ‘गत ६ महीनादेखि भुक्तानी गर्न नसक्दा आगामी हप्ताबाट देशभर इन्टरनेट बन्द हुने स्थिति आएको छ।’

सञ्चार तथा सूचना प्रविधि मन्त्रालयले नियतवश भुक्तानी गर्न सिफारिश नगरेको आईस्पानको आरोप छ। ‘सञ्चार तथा सूचना प्रविधि मन्त्रालयले नियतवश अत्यावश्यक इन्टरनेट सेवा अवरुद्ध गर्नका लागि विदेशी मुद्रा सिफारिश रोकेको जस्तो देखिन्छ,’ विज्ञप्तिमा भनिएको छ, ‘चुनावको समयमा इन्टरनेट बन्द हुन गएमा यसको सम्पूर्ण जिम्मेवारी सरकारले लिनुपर्नेछ ।’

बेरुजुको विषयलाई लिएर मन्त्रालयले विदेशी मुद्रा सिफारिश रोकेको आईस्पानको भनाइ छ । जसले गर्दा इन्टरनेट सेवा बन्द हुने अवस्था आएको जनाइएको छ । यसको विरोधमा आईस्पानले वैशाख १९ गते हुने राष्ट्रिय सूचना तथा सञ्चार प्रविधि दिवसको कार्यक्रम बहिष्कार गर्ने घोषणा गरेको छ ।

प्रतिक्रिया
सम्बन्धित खवर

काठमाडौं । प्रतिबन्धमा परेका अखिल नेपाल फुटबल संघ (एन्फा) का पूर्वअध्यक्ष गणेश थापालाई विश्व फुटबलको सर्वोच्च निकाय फिफाले फुटबलसम्बन्धी कुनै

काठमाडौँ । गोरखाको पालुङटार नगरपालिकाको प्रमुखमा नेकपा माओवादी केन्द्रका विवस चिन्तन निर्वाचित भएका छन् । सार्वजनिक अन्तिम मत परिणामअनुसार माओवादीका

काठमाडौं । आइसीसी विश्वकप क्रिकेट लिग २ अन्तर्गत अमेरिका भ्रमणको एकदिवसीय शृंखलाका लागि नेपाली राष्ट्रिय क्रिकेट टोलीको घोषणा भएको छ

काठमाडौँ । बाराको जितपुर-सिमरा उपमहानगरपालिकाको प्रमुखमा नेकपा माओवादी केन्द्र विजयी भएको छ । सार्वजनिक अन्तिम मतपरिणामअनुसार गठबन्धनको तर्फबाट माओवादी केन्द्रका