आफूले चाहेर पनि मूल्य बृद्धि नियन्त्रण गर्न नसक्ने प्रधानमन्त्रीको विवसता

११ चैत्र २०६८, शनिबार १६:४५ मा प्रकाशित

काठमाडौ, ११ चैत ।  प्रधानमन्त्री डा बाबुराम भट्टराईले परनिर्भर अर्थतन्त्रका कारण चाहेर पनि मुलुकमा महंगी नियन्त्रण गर्न नसकिएको बताउनु भएको छ ।
साना दलको ज्ञापन पत्र बुझ्दै उहाँले विदेशबाट आयात गरिने समानहरुको मुल्य बृद्धि भएपछि यहाँ चाहेर पनि यसको मूल्य नियन्त्रण गर्न नसकिने उहाँले बताउनु भयो । उहाँले पेट्रोलियम पदार्थ विदेशबाट ल्याउनु पर्ने बाध्यता रहेको र उता मूल्य बृद्धि हुँदा यहाँ स्वतः बृद्धि हुने बताउनु भयो । विपन्न परिवार र विद्यार्थीहरुको लागि राहत प्याकेज ल्याएर भएपनि जनतालाई राहत दिन सरकार तत्पर रहेको प्रधानमन्त्रीले बताउनुभयो । उहाँले मुलुको आर्थिक समाजिक अवस्था पुरानै भएको अवस्थामा सबै काम एकै पटक गर्न निकै कठिन भएको बताउनु भयो ।
भट्टराईले सकुम्वासीहरुलाई वैकल्पीक व्यवस्था गरेर मात्र हटाउन लागेको जानकारी दिनुभयो । उहाँले तत्कालको लागि बास्तविक सुकुम्वासिलाई कोठाभाडाको रुपमा १५ हजार दिने र बैकल्पिक स्थानको व्यवस्था गरिने बताउनु भयो ।
‘सुकुम्वासिलाई सरकारले उठिबास लगाउँछ भनेर हल्ला फिजाईनु गलत हो’ प्रधानमन्त्रीले भन्नुभयो–‘बास्तविक सुकुम्बासिको पहिचान गरि वैकल्पिक व्यवस्था गछौं तर नक्कली सुकुम्बासिहरुलाई भने कडाईका साथ हटाउँछौं ।’

प्रतिक्रिया
सम्बन्धित खवर

काठमाडौं । नेकपा एमालेको बरिष्ठ नेता माधव नेपाल पक्ष सरकारमा सहभागी हुने भएको छ । माओवादी अध्यक्ष प्रचण्डले स्थायी कमिटी

काठमाडौं । नेपालमा २४ घन्टाको अवधिमा ३ हजार ८ सय ९९ जना कोरोना भाइरस संक्रमित थपिएका छन् भने २० जनाको

काठमाडौँ । नेपाली कांग्रेसले देशभरका आठ लाख ५२ हजार ७११ जनालाई क्रियाशील सदस्यता प्रदान गरेको छ । कांग्रेसको क्रियाशील सदस्यता

काठमाडौं । चौधौं महाधिवेशनको निकट आइपुगेको दल नेपाली कांग्रेसको पदाधिकारी बैठक आज बिहान बस्न लागेको छ। आज बिहान ९ बजे