मलाई नेपाली नारी नै मन पर्छ ! -कोमल भट्ट

११ चैत्र २०६८, शनिबार ०३:४७ मा प्रकाशित

नारीहरुलाई अझै समान अवसर छैन मेरो देशमा ,

त्यसै भएर नै मलाई अत्यन्तै दुख र पीडा हुन्छ l
नारी समानताको पक्षमा सदासर्वदा उभिएको छु म,
नारी अपमानका कुराहरुले भतभती पोलेको हुन्छ l

सुन्दर,निष्कपट र सरस नेपाली नारीहरु देख्दा ,
आफ्नै प्रचलन,परम्परा र संस्कृति नै मनपर्छ l
पश्चिमी स्वतन्त्रतामा मात्तिएका नारीहरु देख्दा ,
चौबन्दी चोलीमा सजिएका आफ्नै चेलीहरु मनपर्छ l

पुरुष र नारी उस्तै लागेर छुट्याउन गाह्रो पर्दा,
दुई चुल्ठाले सिंगारिएकी नेपाली छोरी नै मनपर्छ l
तंछाड,मछाड र अब्यबस्थित लाजहरुलाई देख्दा,
मर्यादा र शीष्टतामा बाँचेका नेपाली नारी नै मनपर्छ l

कृतिमताले लिपियेका वास्नादारहरुलाई भेट्दा ,
प्राकृतिक सौन्दर्यमा रमेका सरल नारी नै मनपर्छ l
टनक्क कसिएका पारदर्शी पोशाकधारीहरु भन्दा ,
स्वदेशी गुन्यूले सुहाएका आफ्नै दिदीबहिनी नै मनपर्छ l

बाहिरबाटै भित्रको आकृति चियाउन सक्नु भन्दा,
अस्तित्वलाई सर्वस्व ठान्ने नेपाली नारी नै मनपर्छ l
बान्कीपरेका र नपरेका नितम्बको पिङखेलाई भन्दा,
उदांगीएको नभएर लुकेको वास्तविकता नै मनपर्छ l

विवाह पूर्व नै बच्चा जन्माईरहेका परिपाटीलाई देख्दा ,
विवाहपछी नै पतिपत्नीको रूपमा रहने पद्धति मनपर्छ l
बाबुको पहिचान गर्न सधैं डी.एन.ए.को शरण लिनुभन्दा ,
पतिब्रता र पत्नीब्रताको परिपाटी नै अत्यधिक मनपर्छ l

घरिघरि पारपाचुकेले रुखो बनेको संसार देख्दा
मायाँ र प्रेमले भरिपूर्णभएका नेपाली नारी नै मनपर्छ l
मीठो बोलि भएपनि कपटी हृदय भएकाहरुलाई देख्दा ,
निश्छल स्वभावले सम्पन्नभएका नेपाली हृदय नै मनपर्छ l

खुल्लेयाम चुम्बन तथा अंकमालमा रमाएकाहरुलाई देख्दा ,
पर्दा भित्रकै माया,प्रेम र सामिप्यता अति उत्तम लाग्छ l
विश्व मै अनुकरणीय छन् हाम्रा प्रेम र मिलनका मान्यताहरु ,
त्यसैले मलाई पश्चिमी नारीभन्दा नेपाली नारी नै मनपर्छ l
कोमल भट्ट,काठमाडौँ l (हाल, न्यु योर्क)
२०६८/१२/१०/शुक्रवार

प्रतिक्रिया
सम्बन्धित खवर

अमेरिका पुगेको एक नेपाली जोडीबीच भयङ्कर मनमुटावपछि पुरुषले पत्नीलाई परित्याग गरेको र नेपाल आएर अर्की महिलासँग बिहा गरी आफ्नो विद्यावारिधि

सरकारले ३० वैशाखमा स्थानीय तहको चुनावको मिति घोषणा गरेको छ। स्थानीय तहको चुनाव नजिकिँदै गर्दा कांग्रेसका सभापति तथा प्रधानमन्त्री शेरबहादुर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

आजको प्रमुख समाचार