काग्रेस विवाद फेरि चुलियो

नेविसंघका देउवा पक्षधरहरुले सामूहिक राजिनामा दिए   ,
काठमाडौ, १० चैत । संस्थापन पक्षले एकलौटी रुपमा सल्लाह नै नगरी पुर्नगठन गरेको भन्दै नेपाल विद्यार्थी संघक देउवा पक्षीय पदाधिकरीहरुले सामूहिक राजिनामा दिएका छन् । महाधिवेशन आयोजना गर्न गठन गरिएको समितिका देउवा पक्षीय २८ जना विद्यार्थी नेताहरुले आज सभापति सुशिल कोइरालालाई भेटेर सामूहिक राजिनामा बुझाएका हुन । राजिनामा बुझाउन विद्यार्थी नेताहरु जुलुससहित कोइराला निवास पुगेका थिए ।
सभापति कोइरालाले केही दिन अघि नेविसंघको महाधिवेशनका लागि १ सय १ सदस्यीय तदर्थ समिति गठन गरेका थिए ।
राजिनामा बुझ्दै सभापति कोइरालाले भने भातृसंगठन मा रहेको विवाद समाधान समितिसँग आफूले छलफल गरेर उपयूक्त निर्णय लिने बताएका थिए । पार्टीले महामन्त्री प्रकासमान सिहको संयोजकत्वमा विवाद समाधान समिति गठन गरेको थियो ।