संविधानका विवादित विषयमा सहमति जुटाउन विवाद समाधान उपसमितिको बैठक

१० चैत्र २०६८, शुक्रबार ०८:४५ मा प्रकाशित

काठमाडौ, १० चैत । पूर्वनिर्धारित १० दिनको म्याद सकिन एक दिन मात्रै बाँकी रहँदा विवाद समाधान उपसमितिको बैठक आज बसेको छ । गएको चैत १ गते बसेको संविधानसभा कार्यव्यवस्था परामर्श समितिको बैठकले संविधानका विवादका बिषयमा सहमति जुटाउन उपसमितिलाई १० दिनको समय दिएको थियो । भावी संविधानका विवादित बुँदामा सहमति गर्ने बारेमा छलफल गर्न संवैधानिक समिति मातहतमा रहेको विवाद समाधान उपसमितिको बैठक आज बसेको हो । जारीे उपसमिति बैठकमा भावी संविधानका विवादका बुँदामा छलफल गरेर सहमतिको प्रयास भईरहेको बताईएको छ । यसअघि उपसमितिमा सहमति भएका बुँदामा उत्पन्न समस्या र समाधानको उपायको बारेमा पनि बैठकमा छलफल हुने उपसमिति सदस्य लक्ष्मणलाल कर्णले जानकारी दिनुभयो । उहाँका अनुसार पछिल्लो समयमा विवाद समाधानको लागि दलहरुबीचको छलफल निचोडमा नपुगेकोले कुनै निर्णय वा सहमति हुने संभावना न्यून रहेको छ । यद्यपी ३ दिनअघि सभामुख सुवास नेम्वाङको उपस्थितिमा भएको छलफलमा दलहरुले २÷३ दिनभित्रैमा शान्ति र संविधानको बिषयमा ठोस सहमति गर्ने प्रतिवद्वता जनाएका थिए । हिजो बसेको माओवादी लडाकु रेखदेख, समायोजन तथा पुनस्थापना विशेष समितिको बैठकले माओवादी लडाकुको समायोजनको लागि कार्ययाजना पेस गर्न आफू मातहतको सचिवालयलाई निर्देशन दिएको छ ।

प्रतिक्रिया
सम्बन्धित खवर

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत

काठमाडौं । नेकपा एमालेमा विवाद समाधानका लागि निरन्तर छलफल भइरहेको छ । विवाद समाधानका लागि पार्टी अध्यक्ष केपी शर्मा ओली

काठमाडौं । देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत्