कवि गोष्ठी सम्पन्न

१० चैत्र २०६८, शुक्रबार ०४:०४ मा प्रकाशित

काठमाडौ, ९ चैत । नेपाल प्रज्ञा–प्रतिष्ठान, साहित्य विभागले विश्व कविता दिवस २१ मार्च का अवसरमा बुधबार विशेष कवि गोष्ठीको आयोजना गर्‍यो।

कवि गोष्ठीमा संयोजक प्राज्ञ डा. वेञ्जु शर्माले संसारभरी सन् १९९९, २१ मार्चमा युनेस्कोले विश्व कविता दिवस मनाउने घोषणापश्चात नेपाल प्रज्ञा–प्रतिष्ठानले यो दिवस मनाउँदै आएको जानकारी दिए। उनले कविता साहित्यले मानिसको संवेदनाको उद्बोध गर्दै भावनात्मक एकताको सम्बन्ध स्थापितगर्न महत्वपूर्ण भूमिका निर्वाह गर्ने बताए।

डा.शर्माले साहित्य विधामध्ये कविता फलहरूको रस, फूलहरूको अत्तर हो भन्दै कविता लेख्नु, पढ्नु, छपाउने कार्यले कविताको उत्थान हुने तथा शैक्षिक क्षेत्रमा यस विषयको छलफल, बहस गर्नु सान्दर्भिक रहेको बताए।

प्रज्ञा–प्रतिष्ठानका कुलपती वैरागी काईलाले आदीमानव पुर्खाहरूले श्रेष्ठ उच्चारण गरेका शब्दहरू कालान्तरमा लेखिएको र यसको बोझ कविताले उतारेको बताए ।

प्रा.डा.दुर्गाप्रसाद भण्डारीले कविता वाचन रोचक र अविस्मरणीय भएको उल्लेख गर्दै मनुस्य जीवनमा सौन्दर्य र माधुर्यता ल्याउन कविता साहित्यको आवश्यकता रहेको बताए।

कवि गोष्ठीमा ३४ जना कवि कवयत्रीले आ–आफ्ना कविता वाचन गरेका थिए।

प्रतिक्रिया
सम्बन्धित खवर

अमेरिका पुगेको एक नेपाली जोडीबीच भयङ्कर मनमुटावपछि पुरुषले पत्नीलाई परित्याग गरेको र नेपाल आएर अर्की महिलासँग बिहा गरी आफ्नो विद्यावारिधि

सरकारले ३० वैशाखमा स्थानीय तहको चुनावको मिति घोषणा गरेको छ। स्थानीय तहको चुनाव नजिकिँदै गर्दा कांग्रेसका सभापति तथा प्रधानमन्त्री शेरबहादुर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

आजको प्रमुख समाचार