नेपालविरुद्ध मौरिससः ‘सजिलो पे’ले टिकट बेच्ने, यस्ताे छ टिकटदर

१४ माघ २०७८, शुक्रबार ०९:०६ मा प्रकाशित

काठमाडौं । नेपाल र मौरिससबीच हुने दुई मैत्रीपूर्ण खेलको टिकट ‘सजिलो पे’ले बेच्ने भएको छ । शनिबार र मंगलबार दशरथ रंगशालामा साँझ पौने ५ बजे हुने खेलका लागि टिकट ‘सजिलो पे’बाट पाइने भएको हो ।

अखिल नेपाल फुटबल संघ (एन्फा) ले खेलको टिकट दर भिआइपीतर्फ १ हजार र सामान्य तर्फ ५ सय तोकेको छ । रंगशालामा कूल क्षमताको ३३ प्रतिशत मात्रै दर्शकले प्रवेश पाउनेछन् ।

प्रतियोगिताका लागि माैरिससको टिम नेपाल आइसकेको छ भने नेपाली टिमसमेत घोषणा भइसकेको छ ।

नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताईरीले दुई मैत्रीपूर्ण खेलमा लागि दुई टोली घोषणा गर्दै प्रारम्भिक छनोटमा आएका ३४ खेलाडी नै टोलीमा समावेश गरेका छन् ।

यस क्रममा उनले पहिलो पटक प्रारम्भिक अभ्यासमा स्थान बनाएका नौ खेलाडीलाई नै राष्ट्रिय टोलीमा समावेश गरेका छन् । प्रशिक्षक अब्दुल्लाहले जावलाखेल युथबाट खेल्दै आएका गोलरक्षक टिकेन्द्र थापा, नेपाल पुलिसबाट खेलेका गोलरक्षक शत्रुघन चौधरीसहित सातदोबाटोबाट खेलिरहेका मिडफिल्डरहरू सुदीप गुरुङ, आकाश बुढामगर, सुशील राई र फरवार्ड प्रशान्त अवस्थीलाई टोलीमा समेटेका हुन् ।

न्यरोड टिम एनआरटीका रक्षक नविन गुरुङ र फरवार्ड कृतिश रत्न छुन्जुले टोलीमा स्थान बनाउँदा च्यासलका मिडफिल्डर आशिष राईले टोलीमा स्थान पाए ।

यी नौ खेलाडीलाई भने प्रशिक्षक अब्दुल्लाहले दुवै टोलीमा समावेश गराएका छन् । प्रशिक्षक अब्दुल्लाहले जगजित श्रेष्ठ, विमल घर्ती मगर, दर्शक गुरुङ, सुभाष गुरुङ, एरिक विष्ट र देवेन्द्र तामाङलाई राष्ट्रिय टोलीमा पुनरागमन गराएका छन्।

पुनरागमन गरेका विमल घर्तीमगर र देवेन्द्र तामाङले मात्र दुवै टोलीमा स्थान पाएका छन्।  चोटका कारण स्वास्थ्य लाभ गर्ने प्रयासमा रहेका अनन्त तामाङ भने एक मात्र टिममा छन् ।

दुवै टोलीमा १२ खेलाडीले स्थान पाएका छन् । जसमा कप्तान किरणदेखि अन्जन विष्ट र विमल घर्तीमगर छन् ।

पहिलो खेलको टिमः
गोलरक्षकः किरण कुमार लिम्बू (कप्तान), दीप कार्की, टिकेन्द्रसिंह थापा
डिफेण्डरः गौतम श्रेष्ठ, दिनेश राजवंशी, देवेन्द्र तामाङ, सुमन अर्याल, सुरज जिउ ठकुरी,
मिडफिल्डरः सुदिप गुरुङ, सुमन लामा, तेज तामाङ, विशाल राई, सुजल श्रेष्ठ, मनिष डांगी, जगजित श्रेष्ठ अन्जन विष्ट, सुनिल बल, नितीन थापा, आकाश बुढा मगर
स्ट्राइकरः दर्शक गुरुङ, विमल घर्ती मगर, कृतिश रत्न छुन्जु, आशिष लामा,

दोस्रो खेलको टिमः
गोलरक्षकः किरण कुमार लिम्बू, विशाल श्रेष्ठ, सत्रुघन चौधरी
डिफेण्डरः गौतम श्रेष्ठ, दिनेश राजवंशी, देवेन्द्र तामाङ, सुमन अर्याल, सुरज जिउ ठकुरी, पुजन उपरकोटी, अनन्त तामाङ, नविन गुरुङ,
मिडफिल्डरः सुमन लामा, तेज तामाङ, सुजल श्रेष्ठ, सुभाष गुरुङ, अन्जन विष्ट, आशिष लामा, आशिस राई, एरिक विष्ट, सन्तोष तामाङ
स्ट्राइकरः विमल घर्ति मगर, सुशिल राई, प्रशान्त अवस्थी,

प्रतिक्रिया
सम्बन्धित खवर

काठमाडौं । नेपाल क्रिकेट संघ (क्यान)ले पहिलो पटक आयोजना गर्न लागेको नेपाल टी–२० लिगको टिमको नाम सार्वजनिक गरेको छ । क्यानको बसेको बोर्ड

काठमाडौँ ।  नेपाल क्रिकेट संघ (क्यान)ले पुरुष र महिला राष्ट्रिय क्रिकेट टोलीका खेलाडीको पारिश्रमिक बृद्धि गरेको छ । क्यानको मंगलबार बसेको

काठमाडौं । स्पेनिस ला लिगा फुटबलको अन्तिम खेलमा बार्सिलोना घरेलु मैदानमै भिलारियलसँग २-० ले पराजित भएको छ । घरेलु मैदान

काठमाडौं । अन्तिम खेलमा एस्टन भिल्लाविरुद्ध ३–२ को नाटकीय जित निकाल्दै म्यानचेस्टर सिटीले इङ्लिस प्रिमियर लिगको उपाधि जितेको छ ।