शान्तिप्रक्रियामै सबै कुरा अडकियोः सभापति कोइराला

९ चैत्र २०६८, बिहीबार १७:२८ मा प्रकाशित

काठमाडौ, ९ चैत । नेपाली काङ्ग्रेसका सभापति सुशील कोइरालाले शान्तिप्रक्रिया टुङ्ग्याएर समयमै नयाँ संविधान जारी गर्ने पक्षमा आफूहरु क्रियाशील रहेको भएता पनि शान्तिप्रक्रियामै आएर अहिले कुरा अड्किएको बताउनुभएको छ । आफ्नो निवास महाराजगन्जमा आज बिहान नेपाल जेसिजको ज्ञापनपत्र बुझेपछि सञ्चारकर्मीसँगको कुराकानीमा सभापति कोइरालाले शान्तिप्रक्रिया नटुङ्गिएसम्म मुलुकमा संविधान जारी हुन नसक्ने दाबी गर्नुभयो । नयाँ संविधान जेठ १४ गतेभित्र नै जारी गर्नका लागि नेपाली काङ्ग्रेसले सङ्घर्ष गरिरहेको उल्लेख गर्दै सभापति कोइरालाले विगतमा भएका सहमति कार्यान्वयनमा एकीकृत नेकपा (माओवादी)ले चासो देखाउन नसकेको बताउनुभयो ।
उपसभापति रामचन्द्र पौडेलले शान्तिप्रक्रियाका बाँकी केही विषय अगाडि बढाउनुपर्ने भन्दै शान्तिप्रक्रियामा हुने सहमतिका आधारमा नै संविधानका विवादित विषय टुङ्ग्याउनुपर्ने धारणा व्यक्त गर्नुभयो । नेपाल जेसिजका अध्यक्ष तेजशङ्कर भट्टले शान्ति र संविधानका लागि प्रमुख दलहरुलाई दबाब स्वरुप यसअघि एमाओवादीका अध्यक्ष पुष्पकमल दाहाल र नेकपा एमालेका अध्यक्ष झलनाथ खनाललाई ज्ञापनपत्र बुझाइसकेको जानकारी दिनुभयो ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार