दाङमा अतिरिक्त खोप लगाउन सुरु, सिरिन्ज अभाव

१० माघ २०७८, सोमबार १७:३३ मा प्रकाशित

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई कोरोनाविरुद्धको अतिरिक्त थप एक डोज खोप लगाउन सुरु भएको स्वास्थ्य कार्यालय दाङले जनाएको छ ।

दोस्रो डोज वा जोन्सन एण्ड जोन्सन खोप लगाएका ६ महिना पुरा भएका अग्रपंक्तिमा रहेर काम गर्ने व्यक्तिलाई अहिले पहिले लगाएको खोपको थप अतिरिक्त एक डोज खोप लगाउने काम भइरहेको स्वास्थ्य कार्यालयका प्रमुख अंगदबहादुर शाहीले जानकारी दिए ।

यही माघ १४ गतेपछि ६० वर्षमाथिका ज्येष्ठ नागरिक र दीर्घरोगीलाई खोप लगाइने उनको भनाई छ । त्यसैगरी, जनप्रतिनिधि, सरकार कार्यालयका कर्मचारी, बैंक तथा वित्तीय संस्थाका कर्मचारीलाई पछि छिट्टै राप्ती स्वास्थ्य विज्ञान प्रतिष्ठान घोराही, लमही अस्पताल र राप्ती प्रादेशिक अस्पतालबाट अतिरिक्त खोप लगाउने तयारी गरिएको कार्यालय प्रमुख शाहीले जानकारी दिए ।

अग्रपंक्तिमा खट्ने र लक्षित वर्गलाई खोप लगाउन करिब ४० हजार डोज खोप रहेको कार्यालयको भनाई छ । यसैबीच खोप पर्याप्त भए पनि अहिले दाङमा सिरिन्ज अभाव भएको छ । सिरिन्ज अभाव भएकै कारण अतिरिक्त खोप कार्यक्रमलाई तीव्रता दिन केही समस्या भएको प्रमुख शाहीले बताए । अबको एक हप्ता भित्र सिरिन्ज आउने प्रदेश स्वास्थ्य निर्देशनालयले जानकारी दिएको छ ।

प्रतिक्रिया
सम्बन्धित खवर

काठमाडौं । आठ वर्षअघि सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै काठमाडौंको माइतीघरमा

हेटौंडा । स्थानीय तह निर्वाचन २०७९ अन्तर्गत हेटौंडा उपमहानगरपालिकाको अन्तिम मत परिणाम सार्वजनिक भएको छ । उपमहानगरपालिकाको मेयर पदमा नेकपा

काठमाडौं । प्रदेश सांसदबाट राजीनामा दिएर तीन जना नेता स्थानीय तह निर्वाचनमा लडे । करोडौं बजेट परिचालन गर्न पाइने र

कैलाली । कैलालीको लम्कीचुहा नगरपालिकाको मेयर र उपमेयरमा सुशीला शाही र जुना चौधरी निर्वाचित भएका छन् । नेपाली कांग्रेसबाट शाही