पूर्ण बजेट ल्याउने सत्ता गठबन्धन मोर्चाको निर्णय

१५ कार्तिक २०६९, बुधबार १२:४७ मा प्रकाशित

काठमाडौ, १५ कात्तिक । सत्तारुढ दलहरुको संयुक्त मोर्चा संघीय लोकतान्त्रिक गणतान्त्रीक गठबन्धनमा आवद्ध दलहरूहरुको बैठकले आगामी कात्तिक मसान्तभित्र पूर्णबजेट ल्याउने निर्णय गरेको छ ।
प्रधानमन्त्रीको सरकारी निवास बालुवाटारमा बुधबार विहान बसेको गठबन्धनको बैठकले बजेट अभावका कारण सरकारी कामकाज ठप्प हुने अवस्था सृजना भएकाले कुनै पनि हालतमा पूर्ण बजेट जारी गर्ने निष्कर्ष निकालेको हो ।
पुर्ण बजेट ल्याउने विषयमा विपक्षि दलहरुले असहमति जनाउने भएकाले उनीहरुसंग वार्ता गरी सहमतिको वातावरण सृजना गरी पूर्ण बजेट ल्याउने विषयमा सहमति जुटाउने जिम्मा बैठकले गठबन्धनका अध्यक्ष पुष्पकमल दाहाल प्रचण्डलाई जिम्मेवारी दिएको गठबन्धनका प्रवक्ता प्रेमबहादुर सिंहले जानकारी दिए ।
बैठकले राजनीतिक संकट समाधानका लागि भने बैठकले साझा धारणा बनाउन नसकेको सिंहले बताए । उनले भने, ‘सबै विकल्पलाई खुला राखेर छलफल गर्ने र १७ गते बैठक बसेर संविधानसभा चुनाव वा पुनःस्थापनाका विषयमा ठोस निर्णय गर्ने छ ।’ बैठकमा नयाँ सरकार गठन र विवादित विषयलाई प्याकेजबाटै समाधान खोज्नुपर्नेमा नेताहरुबीच एकमत देखिएको थियो ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार