थुनुवा भागेपछि सुरक्षा गार्ड छानबिनको घेरामा

१३ कार्तिक २०६९, सोमबार १५:१३ मा प्रकाशित

गाईघाट (उदयपुर), १३ कात्तिक । जिल्ला वन कार्यालय उदयपुरबाट फूलपातीको रात दुई थुनुवा फरार भएपछि त्यस बखत सुरक्षार्थ खटिएका सुरक्षा गार्डहरुमाथि छानविन थालिएको राससले जनाएको छ। दसैँको समय परेको र कार्यालय प्रमुखसमेत दसैँ मनाउन घर गएका कारण थुनुवाहरु भागेको विषयमा छानविन हुन सकेको थिएन। तर अब यसको छानविन कार्यलाई अगाडि बढाउन आफूहरुले कदम चालेको जिल्ला वन कार्यालय लेखा फाँट प्रमुख कुमार खड्काले बताए।
जिल्ला अदालत उदयपुरबाट म्याद थप गरेर वन मुद्दा चलाइएका दुई थुनुवा त्रियुगा नगरपालिका-३ बस्ने सुकदेव चौधरी र जोगीदह गाविस-५ बस्ने दीपक अधिकारी फूलपातीको साँझ लोडसेडिङ्को मौका छोपेर गार्डहरुलाई छल्दै भागेका थिए।
वन कार्यालयका प्रमुख विश्वमणि आचार्य लामो समयदेखि तालिममा रहेका कारण सहायक चन्द्रमान डङ्गोलले दैनिक कामकाज हेर्दे आएका थिए। दसैंको बिदामा डङ्गोलसमेत काठमाडौँ गएका थिए। वनका सबर जम्दारहरु लेखबहादुर मगर, टीकाराम ठकुरी, चन्द्रमान तामाङलगायतले थुनुवाको सुरक्षा गर्दै आएको शाखा अधिकृत खड्काले बताए।
यता भागेका थुनुवाहरुले भने टेलिफोनबाट सम्पर्क गर्ने गरेको र आफूहरु फर्केर आउने बताएको खड्काको भनाइ छ। स्मरण रहोस्, केही दिनअघि जिल्ला वन कार्यालयका कर्मचारीहरुले सात स्थानीय व्यक्तिलाई जङ्गलमा काठ काट्दै गरेको अवस्थामा रङ्गेहात पक्राउ गरेको थियो।

प्रतिक्रिया
सम्बन्धित खवर

काठमाडौं । कोरोना भाइरसविरुद्धको खोप लक्षित जनसङ्ख्याभन्दा बढीलाई लगाइएको छ । नेपाल सरकारले यही असोज मसान्तसम्म लक्षित जनसङ्ख्याको कम्तीमा पनि

बुटवल । गृहमन्त्री बालकृष्ण खाँणले भैरहवामा निर्माणाधीन गौतमबुद्ध अन्तर्राष्ट्रिय विमानस्थल छिटोभन्दा छिटो सञ्चालनमा ल्याउन सरकारले पहल गरिरहेको बताएका छन् ।

काठमाडौं । आगामी मङ्सिर १० देखि १२ गतेसम्म १०औँ राष्ट्रिय महाधिवेशन तय गरेको नेकपा (एमाले) ले यही कात्तिकको पहिलो साता

काठमाडौँ । गृह मन्त्रालयले केही जिल्लाका प्रमुख जिल्ला अधिकारी(प्रजिअ)को सरुवा गरेको छ । गृहमन्त्री बालकृष्ण खाणले मन्त्रीस्तरीय निर्णयबाट दसैंपछि कार्यालय