‘सैंडी’ तुफानको खतराका कारण न्युयोर्क ‘ठप्प’

१३ कार्तिक २०६९, सोमबार ०९:२३ मा प्रकाशित

न्युयोर्क, १३ कात्तिक । क्यारिबियाई क्षेत्रमा उत्पात मच्चाएर चक्रवाती तूफान ‘सैंडी’ सयौं माइलको रफ्तारका साथ अमेरिकाको उत्तरपूर्वी क्षेत्रतिर बढिरहेको छ । सोमबारको रातीसम्ममा सो क्षेत्रमा पुग्ने अनुमान गरिएको सैंडीबाट पुग्नसक्ने क्षतिबाट बच्ने उपाय अवलम्वन गर्न थालिएको छ । यसबाट मुलुकका १२ राज्यका करिब ६ लाख मानिस नराम्रोसँग प्रभावित हुने आशंका गरिएको छ ।
न्यूयोर्क प्रशासनले आइतबार साँझदेखि नै शहरमा सार्वजनिक यातायात बन्द गर्न आदेश जारी गरेको छ भने स्कूलहरु प्नि बन्द गरिएका छन् । राज्यका गभर्नर एन्ड्रयु क्युमोक अनुसार मेट्रो, बस तथा ट्रेन सेवा रद्द रहनेछ । यसैबीच राष्ट्रपतिको कार्यालय ह्वाइट हाउसले बाराक ओबामा ओहायोमा आफ्नो चुनाव प्रचार कार्यक्रम छोडेर स्थितिको निगरानी गर्नका लागि वाशिङटन फर्किंदै छन् ।
न्युयोर्क शहरमा कम्तीमा तीन लाख पचहत्तर हजार नागरिकहरुलाई तल्लो इलाकाबाट हटाएर दोस्रो स्थानमा पुरयाइएको छ भने डेलावेयरले तटीय क्षेत्रका ५० हजार मानिसलाई स्थानान्तरण गरिसकेको छ । तुफानले पहिले क्यारिबियाई क्षेत्रमा व्यापक क्षति पुरयाईसकेकोथियो । न्युजर्सी प्रशासनले आवश्यक सामानको जोडजाम गर्न मानिसहरुसँग अपिल गरेको छ, किनकि मानिसले केही दिनसम्म घरभित्रै बस्नुपर्ने अवस्था आइपर्न सक्ने सम्भावना व्यक्त गरिएको छ ।
मैसमविद्हरुले यसपटकको चक्रवाती तूफान ऐतिहासिक हुनसक्ने घोषणा गरेकाले अमेरिकाका पूर्वी तटस्थित कतिपय राज्यले आपतकाल घोषणा गरेका छन् । न्युयोर्कमा भारी सैलाव आउन सक्ने बताइएको छ भने ओहायोमा व्यापक बर्फ वर्ष हुन सक्नेछ । यसको असर बिजुली आपूर्तिमा पर्न सक्ने छ ।
बताइएअनुसार एक सय बीस किमि प्रतिघण्टा हावाको बेग रहने तुफानले जनजीवनलाई तहसनहस पार्न सक्ने छ भने मध्य एटलान्टिक क्षेत्रमा तेज सैलाव आउन सक्नेछ ।
प्रशासनले ७५ सरकारी शिविरहरुको व्यवस्था गरेको छ भने मानिसहरुलाई घरबाट बाहिर ननिस्कन अपिल गरेको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार