आगलागीमा परी मृत्यु हुनेको सङ्ख्या दुई पुग्यो

ताप्लेजुङ, ८ चैत । ताप्लेजुङको दोखुमा भएको आगलागिमा परी मृत्यु हुनेको सङ्ख्या २ पुगेको छ । आगलागिमा परी   हिजो अपरान्ह्रबाट संम्पर्क बाहिर रहेका ताप्लेजङ दोखुका धनबहादुर मगर पनि मृत अबस्थामा फेला परेका छन  । आगलागी परी हिजै  मगरकी श्रीमती बुद्धिमायाको ज्यान गइसकेको छ ।
धुसेनी जंगलमा गत सोमबार देखि लागेको आगो हिजो बस्तिमा पस्दा  ४ वटा घर समेत जलेर नष्ट भएका छन । आगलागिबाट धनबहादुर मगर र निजका  छोराहरु टेकबहादुर र तिलबहादुर मगरको   घर  मतान गरी ४ वटा घर  जलेर नष्ट भएको हो  । घरभित्रको कुनैपनि समान निकाल्न नसकिएको बताइएको छ   । आगलागीबाट  मगर परिवारका ८ ओटा बाख्रासमेत मरेका छन । उता अग्नीपीडित मृतकका  परिवारलाई तत्काल राहतका लागि जिल्ला दैविप्रकोप
उद्धार समितिले नगद २५ हजार रुपैया  प्रदान गरेको जिल्ला दैविप्रकोप उद्धार समितिका संयोजक तथा प्रमुख जिल्ला अधिकारी देवराज ढकालले जानकारी दिनुभएको छ । आगलगीबाट प्रभावित प्रति परिवारलाई ५० किलो चामल, पाल र लताकपडा तथा भाडाकुंडा नेपाल रेडक्रस सोसाइटी जिल्ला शाखा ताप्लेजुङले उपलब्ध गराएको छ । हिजो दिउँसैदेखि नेपाल प्रहरी ,शसस्त्र प्रहरी र स्थानीयबासीले आगो नियन्त्रणमा ल्याउने प्रयास  गरिरहेका छन्  ।  भीरमा आगो लागेको र आगो
नियन्त्रण गर्न गाह्रो भएकोे बताइएको छ  । आज घुमाउने जंगल तर्फ आगो बढेको छ भने त्यस क्षेत्रको बस्ति जोखिममा परेको छ ।